ഞാനൊരുക്കിയ ചിതയില് നിന്നമ്മതന്
ആത്മാവെരിഞ്ഞമര്ന്നെങ്കിലും
പൊന്മകള് നീ എന്റെ തോഴിയായ്
വന്നിരുന്നന്നേ ദിനം.
ദുഃഖത്തിന് അഗ്നിവ്യുഹം പലവുരു
ഹൃത്തിലേകി സ്മൃതിയുടെ
മറപ്പന്തലില്അമ്മയും പോയൊളിച്ചു.
നിന്നോമല് തളിര് വിരല് തുമ്പി-
നാലെന്റെ ഉള്ളില്
സ്നേഹത്തിന്നക്ഷരങ്ങള്
പലവിധമെഴുതി-
ക്കൂട്ടിനീ സ്നേഹവായ്പ്പാല്.
എന്നലെന്നാത്മ നോവില്
ഒരുതരി പോറലും തീര്ത്തിടാതെ
നിന് സ്നേഹം പെയ്തൊഴിഞ്ഞു.
മമ വ്യഥകള് അതിനെയും
താണ്ടി ഇന്നേറെ ദൂരം.
ഒടുവലിതാ!
ജീവിതത്തില് കലുഷിത മൊരുതാള്
തീര്ത്തുകൊണ്ടീ ദിനത്തില്
എന്നേയും വിട്ടുപോകാന്
കാലത്തിന് തേരിലേറി
എന് കാല്ചോട്ടില് നീ വന്നുനില്പ്പൂ.
സ്നേഹത്തിന്ന ശ്രുവില്ലാ,
ഹൃദയ മുരുകി തേങ്ങിടും
കൈപ്പുനീരെന് കണ്ണില് നിന്നിറ്റു വീഴ്ത്താം
ഒരു ചിത നിനക്കും
തീര്ത്തിടാം എന്റെ ഹൃത്തില്.
ഇതിനായി സബ്സ്ക്രൈബ് ചെയ്ത:
പോസ്റ്റിന്റെ അഭിപ്രായങ്ങള് (Atom)
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ